ڈالر کی قدر میں مسلسل کمی کا سلسلہ جاری، انٹربینک میں ڈالر 185.45 روپے کا گیا

 انٹر بینک میں ڈالر کی قدر میں کاروباری ہفتے کے تیسرے روز بھی کمی ریکارڈ کی گئی ہے۔ اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 17 پیسے کی کمی واقع ہوئی ہے۔ فاریکس ڈیلرز کے مطابق انٹربینک میں ڈالر 185.62 سے کم ہو کر 185.45 روپے پر بند ہوا ہے۔ انٹر بینک کے علاوہ اوپن مارکیٹ میں بھی ڈالر کی قدر میں 30 پیسے کی کمی ریکارڈ ہوئی ہے۔ اوپن مارکیٹ میں ڈالر 186 روپے 80 پیسے سے کم ہو کر 186 روپے 50 پیسے پر فروخت ہوا۔ واضح رہے گزشتہ روز بھی انٹر بینک میں ڈالر کی قیمت میں 43 پیسے کی کمی ریکارڈ ہوئی تھی۔

Leave a Reply

Your email address will not be published.