بجلی کی بچت کے لیے حکومت کا اہم فیصلہ

اسلام آباد:بجلی کی بچت کے لیے وزارت پاور ڈویژن نے  بڑے اقدامات کا فیصلہ  کیا ہے ۔سمری بھی  تیار کرلی گئی  ہے۔سمری کے مطابق ملک بھر کےکمرشل فیڈرز کو شام 7 سے رات 10 بجے تک بند کرنےکا فیصلہ کیا گیا ہے، کمرشل فیڈرز  پر دن کے اوقات میں لوڈشیڈنگ نہیں ہوگی۔  پاور ڈویژن کا کہنا ہےکہ کمرشل فیڈرز کی بندش سے 5 ہزارمیگاواٹ بجلی کی بچت ہوگی، شام 7 سے رات 11 بجے تک ٹیوب ویل کے فیڈر ز کی بجلی بھی بند رکھنےکا فیصلہ کیا گیا ہے، ٹیوب ویل والے فیڈرزبند ہونے سے 3 ہزار میگاواٹ بجلی کی بچت ہوگی۔سمری اور  تجاویز کی اسی ہفتے وزیراعظم  اور کابینہ سے منظوری لی جائے گی۔