فیس بک پرالزام ہے کہ وہ صارفین کے ڈیٹا کا تحفظ نہیں کر سکتا۔ ہوا کچھ یوں کہ ایک برطانوی محقق الیگزنڈر کوگن نے فیس بک سے منسلک ایک ایپ بنائی۔ جس میں لوگوں سے تعلیمی مقاصد کیلئےذاتی پسند اور ناپسند کے بارے میں سوالات پوچھے گئے۔

اس سروے میں کوگن نے دو لاکھ ستر ہزار لوگوں سے معلومات لیں۔ دھوکا یہ ہوا کہ کوگن نے نہ صرف فیس بک ایپ کے ذریعے معلومات لیں بلکہ سروے مکمل کرنے والوں اور ان کے دوستوں کے لائکس تک کی معلومات حاصل کر لیں۔

اب یہ آٹھ کروڑ ستر لاکھ لوگوں کی پسند، ناپسند اور رجحانات کا سائںٹیفک ڈیٹا بن گیا۔ یہ معلومات اس نے کیمریج اینالیٹیکا کو بیچ دیں۔ جس نے ٹرمپ کی الیکشن مہم میں اسے استعمال کیا۔ اور امریکی ووٹرز کو اسی ڈیٹا کے مطابق پیغامات بھیجے گئے۔

جس کی مدد سے مبینہ طور پر ٹرمپ کے حق میں رائے عامہ ہموار کی گئی۔ امریکہ کو پریشانی یہ ہے کہ اسی پیٹرن کو استعمال کرتے ہوئے روس یا کوئی ملک بھی امریکہ کے اندرونی معاملات میں مداخلت کر سکتا ہے۔ مارک زکربرگ نے اس معاملے میں فیس بک کی کوتاہی کو تسلیم کرتے ہوئے معافی مانگ لی ہے۔ اخبار گارڈین کے مطابق الزام ثابت ہونے پر فیس بک کو ستر ارب ڈالر یعنی اسی کھرب بانوے ارب روپے سے زیادہ کا جرمانہ ہو سکتا ہے۔

پاکستان کی تاریخ کے بارے میں جاننے کیلئے نیچے دی گئی ویڈیوز دیکھیں