نوازشریف 1990 میں پہلی بار وزیراعظم بنے تو وہ سمجھتے تھے کہ وہ اپنی مقبولیت کے باعث وزیراعظم بنے ہیں اس کے برعکس اسٹیبلشمنٹ سمجھتی تھی کہ نوازشریف کو  نے وزیراعظم بنوایا ہے لہٰذا وہ ان کی مرضی سے چلیں گے

 دلچسپ بات یہ ہے کہ آئی جے آئی کے مذہبی قائدین کے خیالات بھی کچھ ایسے ہی تھے امیرِ جماعتِ اسلامی قاضی حسین احمد اور مولانا سمیع الحق سمجھتے تھے کہ نوازشریف ان کی مدد سے ملک کے چیف ایگزیکٹو بنے ہیں اور یہ مدد مفت میں نہیں تھی

 اس کے بدلے میں وہ نوازشریف سے اسلامی نظام کا نفاذ چاہتے تھے اور وزیراعظم کے سامنے یہی سب سے بڑا چیلنج بھی تھا یہ اس لیے بھی ضروری تھا تا کہ مذہبی جماعتوں کے دباؤ کو کم کیا جا سکے شریعت بل پہلے سے تیار موجود تھا

 لیکن نوازشریف نے حکومتی ٹیم کے ذریعے ایک نیا شریعت بل تیار کروانا شروع کر دیا پانچ ماہ تیاری کے بعد مئی 1991 میں شریعت بل پارلیمنٹ میں پیش کر دیا گیا بل کا پارلیمںٹ میں پیش ہونا تھا کہ ایک ہنگامہ مچ گیا مولانا سمیع الحق اور قاضی حسین احمد سمیت کئی علمائے دین کو شریعت بل، شریعت کے مطابق نہیں لگا مولانا فضل الرحمان نے تو یہاں تک کہہ دیا کہ نوازشریف کا شریعت بل ایسا ہی ہے

 جیسے شراب کی بوتل میں آب زم زم پیش کیا جائے مولانا سمیع الحق اور فضل الرحمان تو خیر عالم دین تھے لیکن بینظیر بھٹو اور پیر پگارا جیسی شخصیات نے بھی بل مسترد کر دیا مذہبی جماعتوں نے نوازشریف پر سخت تنقید شروع کر دی اور علیحدگی کے اشارے دینا شروع کر دئیے مولانا سمیع الحق تو اتنے ناراض ہوئے کہ نومبر1991 میں انھوں نے حکومت سے علیحدگی اور ملک گیر احتجاج کی کال دے دی یہ نوازشریف کیلئے مشکل وقت تھا ان کی کرسی کے نیچے سے اتحادیوں کے پائے کھسک رہے تھے لیکن اس مشکل سے انھیں عارضی طور پر دو چیزوں نے نکالا ایک تھی شراب کی بوتل اور دوسرا تھا ایک غیر قانونی پستول اسلام آباد سے شراب اور اسلحے سمیت میڈم طاہرہ نامی ایک 33 سالہ خاتون گرفتار ہوئیں اور اس خاتون کی ایک آڈیو ٹیپ بھی ریلیز ہو گئی جس کی روداد اخبارات میں ایکسکلوسیوسٹوری کے طور پر چھپی

 اس خبر نے صورتحال کا رخ کافی حد تک موڑ دیا میڈم طاہرہ اسلام آباد میں اشرافیہ کیلئے تفریح طبع کا سامان مہیا کرتی تھیں انھوں نے انکشاف کیا کہ مولانا سمیع الحق ان کے مستقل گاہک ہیں۔۔۔اور۔۔۔ اور بھی بہت کچھ کہا انھوں نے جو مولانا سمیع الحق کیلئے ناقابل بیان شرمندگی کا باعث بنا کچھ دن میں سینٹ کا اجلاس تھا

 مولانا سمیع الحق اجلاس میں آئے، وہ غمزدہ تھے اور اپنی صفائی پیش کر رہے تھے انھوں نے میڈم طاہرہ کے الزامات سے صاف انکار کیا اور اسے جھوٹ کا پلندہ قرار دیا اس کے بعد انھوں نےسینیٹ سے استعفیٰ بھی دیا اور نوازشریف کے خلاف تحریک بھی نہیں چلائی یہ سٹوری ہندوستانی اخبارات سمیت پوری دنیا میں چھپی تاہم میڈم طاہرہ نے کچھ عرصے بعد تمام الزمات سے انکار کیا اور کہا کہ سمیع الحق سے ان کا کوئی تعلق نہیں ہے لیکن اس وقت تک بہت دیر ہو چکی تھی

 سمیع الحق کا دباؤ تو ختم ہو گیا لیکن اس سے بھی بڑا ایک دوسرا دباؤ وزیراعظم کے سر پر آن گرا یہ دباؤ بھی دائیں بازو کی طرف سے آیا تھا نوازشریف نے لوڈشیڈنگ کے خاتمے کیلئے جن منصوبوں کا آغاز کیا تھا ان میں کراچی کے پاس حب پاور سٹیشن بہت اہم اور بڑا منصوبہ تھا قومی خزانے میں اتنی رقم نہیں تھی کہ اتنا بڑا پاور پلانٹ لگایا جا سکے چنانچہ یہ پراجیکٹ غیر ملکی سرمایہ کاری سے مکمل کیا جا رہا تھا جس میں ظاہر ہے انٹرسٹ یعنی سود بھی شامل تھا نوازشریف بہت پرجوش تھے

 کہ حب پاور پلانٹ سے بجلی بھی آئے گی اور سرمایہ کاری سے ملک کے معاشی حالات بھی کچھ سدھریں گے لیکن ایسے میں وفاقی شرعی عدالت سے سود کے خلاف فیصلہ آ گیا فیصلہ یہ تھا کہ حکومت پاکستان اور تمام صوبے ایسے تمام معاشی منصوبے بند کر دیں گے جن میں سود کا عمل دخل ہے اس فیصلے پرعمل کا مطلب تھا کہ سب سے پہلے تو حب پاور پلانٹ کا منصوبہ بند کیا جائے اور عمل نہ کرنے کا مطلب یہ تھا کہ نوازشریف اپنے مذہبی اتحادی کھو بیٹھیں گے نوازشریف کیلئے چوائس بہت مشکل تھی

 اب بجلی لائیں یا حکومت بچائیں؟

 ایسے میں ایک چھوٹا سا بنک کام آیا

 وزیراعظم نے سپریم کورٹ میں وفاقی شرعی عدالت کے فیصلے کے خلاف اپیل دائر کر دی یہ اپیل زرعی ترقیاتی بنک کے ذریعے دائر کی گئی تھی اب فیصلہ سپریم کورٹ نے کرنا تھا کہ وفاقی شرعی عدالت کے فیصلے پر کس طرح عمل کرنا ہے یا نہیں کرنا لیکن سپریم کورٹ میں اس اپیل کی سماعت تو کیا ہونی تھی تاریخ پر تاریخ پڑتی رہی اور یہ معاملہ عدالتی بھول بھلیوں میں گم ہو گیا بیرونی سرمایہ کاری سے حب پاور اسٹیشن کا پراجیکٹ مکمل ہوتا چلا گیا اور آج یہ منصوبہ تیرہ سو میگا واٹ کے قریب بجلی پیدا کرتا ہے

 نفاذ اسلام اور سود کے خاتمے کی طرح ایک اور بڑا دباؤ ابھی باقی تھا وہ تھا معاشی تباہی کو روکنے کا دباؤ صورتحال یہ تھی کہ سرکاری بنکس اور انڈسٹری تباہی کے دہانے پر کھڑی تھی اربوں روپے کی کرپشن، ضرورت سے زائد ملازمین کی بھرتیاں، ان کی لمبی چوڑی تنخواہیں اور سب سے بڑھ کر مزدور یونینز کی آئے روز ہڑتالیں یہ وہ مسائل تھے جن کی وجہ سے سرکاری ادارے ٹھپ ہو کر رہے گئے تھے الائیڈ بنک 22 ارب کے خسارے میں تھا

 اورایم سی بی کا یہ حال ہو گیا تھا کہ کئی ممالک اس کے آپریشنز بند کر رہے تھے ایسے میں مشکل فیصلے کی ضرورت تھی نوازشریف دائیں بازو کے لیڈر تھے لیکن معاشی طور پر وہ اکانومی کے لبریشن کے حامی تھے معاشی تباہی سے مقابلے کیلئے انھوں نے پرائیویٹائزیشن کا آغاز کیا ’’میں نے کہا کہ اس طرح کے سب ادارے ہم نجی شعبے کو منتقل کریں‘‘ ’’اس سے جو آمدنی ہوگی ہم اس سے اپنے قرضے واپس کریں گے‘‘ ’’اس آمدنی سے جو آپ دیں گے اور دوسرے اداروں سے حاصل ہوگی، اس سے ملک کے دفاع پر خرچ کریں گے‘‘ ’’سوشل سیکٹر، ایجو کیشن صحت کی سہولتوں پر خرچ کریں گے‘‘ اخبارات میں سفید ہاتھی کے نام سے بڑے بڑے اشتہارات چھپتے جن میں لوگوں کو سمجھایا جاتا کہ انڈسٹریز کو پرائیویٹائز کرنا کیوں ضروری ہے

ابتدا میں اس کی شدید مخالفت ہوئی کیونکہ یہ پالیسی ذوالفقار علی بھٹو کی نیشنلائزیشن کی پالیسی کے بالکل الٹ تھی اس لیے پیپلزپارٹی نے اس کی شدید مخالفت کی اپوزیشن سڑکوں پر آئی، مزدور یونینز ہڑتال پر گئیں۔ لیکن پرائیویٹائزیشن نہیں رکی یہ وہی پالیسی تھی جو بعد میں پیپلزپارٹی اور جنرل مشرف کے دور میں بھی جاری رہی پرائیویٹائزیشن سے صنعتوں میں مقابلے کا رجحان بڑھا اور وہی بنک جو خسارے میں تھے منافعے میں آنے لگے ان اصلاحات سے پاکستان کی معیشت تیزی سے اوپر کی طرف گئی لیکن اس میں ایک مسئلہ ہو گیا

 مسئلہ یہ ہوا کہ وزیراعظم پر پرائیویٹائزیشن میں من پسند لوگوں کو نوازنے کا الزام لگ گیا من پسند لوگوں میں سے کئی پیسے والے تو تھے لیکن تجربہ کار نہیں تھے اس لیے پرائیویٹائزیشن کے آغاز میں ہی پاکستان ایک بار تو ترقی کی اتنی بلند سطح پر پہنچ گیا جو بھٹو اور ضیا دور میں بھی نہیں ہوئی تھی لیکن اگلے ہی سال شرح ترقی بیس سال کی کم ترین سطح پر بھی آ گئی ماہرین کہتے ہیں اس کی وجہ یہ تھی کہ کچھ سودے میرٹ پر نہیں تعلقات کی بنیاد پر کیے گئے تھے اس لیے وہ منافع بخش نتائج کے حامل نہیں ہوسکے بہرحال ان دا لانگ رن، پرائیوویٹائزیشن پالیسی کا پاکستان کوفائدہ ہی ہوا اور یہ پالیسی اب بھی تفصیلات کے تھوڑے بہت فرق کے ساتھ ہر سیاسی جماعت کے منشور میں شامل ہوتی ہے

 یہ انٹارکٹکا یعنی قطب جنوبی ہے جہاں ان گنت زمانوں سے برف کی حکومت ہے اس کے انتہائی کنارے پر ایک سو کلومیٹر طویل پہاڑی سلسلہ ہے اسی پہاڑی سلسلے کے دامن میں جناح انٹارکٹک سنٹر قائم ہے یہ سنٹر 1990،91 میں وزارت سائنس اور ٹیکنالوجی کے تحت قائم کیا گیا تھا پاکستان عالمی طور پر 37واں اور اسلامی دنیا کا پہلا ملک تھا جو قطب جنوبی میں سائنسی تحقیقات کر رہا تھا یہ تحقیقات دراصل سمندروں اور سطح سمندر میں ہونے والی اہم تبدیلیوں، برف میں چھپی زندگی اور مستقبل کی ممکنہ موسمی تبدیلیوں جیسے موضوعات پر کی جاتی تھیں یہ منصوبہ آج بھی جاری ہے اس مشن میں سائنسدانوں کو لانا اور لے جانا پاک بحریہ کے ذمے ہوتا ہے جس وقت انٹارکٹکا میں یہ عظیم الشان سائنسی منصوبہ مکمل ہو رہا تھا اسی دوران پاکستان کی گلیوں میں عراقی سکڈ میزائل گردش کر رہے تھے ایسا کیوں تھا؟

 نوازشریف جو اسٹیبلشمنٹ کی مدد سے اقتدار میں آئے ت ھے، کیوں تیسرے ماہ ہی خارجہ امور کے ایک معاملے پر آرمی چیف سے تعلقات بگاڑ بیٹھے؟ نوازشریف اور آرمی چیف کی چپقلش کا کیا نتیجہ نکلا؟ یہ سب دکھائیں گے، دیکھو، سنو ، جانو کی پاکستان کہانی میں، لیکن اگلی قسط میں

Click Here to Watch Next Episode