عبوری وزیر اعظم کیسے منتخب ہوتا ہے؟

عبوری وزیر اعظم کیسے منتخب ہوتا ہے؟

آئین پاکستان کے آرٹیکل 224کے تحت صدر پاکستان عبوری وزیراعظم مقرر کریں گے۔لیکن صدر پاکستان یہ تقرری جانے والی اسمبلی کے وزیراعظم اور اپوزیشن لیڈر کی مشاورت سے کریں گے۔

 

روایتی طور پر وزیراعظم اور اپوزیشن لیڈر تین تین نام ایک دوسرے کے سامنے رکھتے ہیں جس میں سے کسی ایک کا انتخاب کر کے صدر پاکستان کو بھجوا دیا جاتا ہے۔ جس پر صدر مہر تصدیق ثبت کرتے ہیں۔
لیکن اگر اسمبلی کی مدت پوری ہونے کے تین دن بعد تک حکومت اور اپوزیشن کسی ایک نام پر اتفاق نہ کر سکیں تو اسپیکر قومی اسمبلی ایک کمیٹی بنائیں گے۔ اس کمیٹی میں چار نمائندے حکومت کے اور چار اپوزیشن کے ہوں گے۔ ان کے سامنے دونوں طرف سے دو دو نام پیش کئے جائیں گے۔ تین دن کے
اندر اندر یہ کمیٹی کسی ایک نام پر اتفاق کرے گی۔ جسے یہ منتخب کریں گے صدر پاکستان اسے عبوری وزیراعظم مقرر کر دیں گے۔

 

لیکن اگر یہ کمیٹی بھی کسی نتیجے پر نہیں پہنچتی تو چاروں نام الیکشن کمیشن آف پاکستان کو بھیجے جائیں گے۔ الیکشن کمیشن آف پاکستان دو دن میں انھی ناموں میں سے کوئی ایک نام کو فائنل کرنےکا پابند ہو گا اور یہ نام سب کو تسلیم کرنا ہو گا۔

 

صدر پاکستان اسی شخص کو عبوری وزیراعظم مقرر کر دیں گے۔ یعنی آٹھ دن میں ہر صورت نگران وزیراعظم کا انتخاب ہو جائے گا۔ یہی طریقہ صوبائی نگران سیٹ اپ کیلئے بھی آئین کے آرٹیکل دو سو چوبیس میں درج ہے۔

پاکستان کی تاریخ کے بارے میں جاننے کیلئے نیچے دی گئیں ویڈیوز دیکھیں

Leave a Reply

Your email address will not be published. Required fields are marked *

Scroll to top