1990 کے انتخابات شروع ہوئے تو نوازشریف نے پیپلزپارٹی پر تین بڑے الزامات لگائے بینظیر گستاخ رسول ﷺ ہیں اس لیے انھیں ووٹ نہ دئیے جائیں پیپلزپارٹی کو ووٹ دینا بھارتی بالادستی قبول کرنا ہے اور سب سے بڑھ کر نوازشریف اور ان کے ساتھی کرپشن کے الزامات لگا رہے تھے جن میں کہا جاتا کہ بینظیر ملک کے اربوں روپے لوٹ کر باہر لے گئی ہیں اور تاریخ کا پہیہ دیکھئے کہ ٹھیک اٹھائیس سال بعد گھوم کر ایسی جگہ آیا کہ یہی تینوں الزمات نوازشریف پر بھی پورے دھڑلے سے لگے

 1990میں بینظیر صفائی دینے کے بجائے اس سارے معاملے کو پاک فوج اور صدر پاکستان کی سازش قرار دیتی تھیں اور ٹھیک یہی دُہائی 2018 کے انتخابات میں نواز شریف کے حصے میں آئی جب بینظیر کو عدالت سے ریلیف نہیں ملا تو انھوں نے نعرہ لگایا کہ سب سے بڑا فیصلہ عوامی عدالت کا ہوتا ہے اور وہ صرف عوامی عدالت کے فیصلے کو مانتی ہیں کون جانتا تھا کہ تین دہائیوں بعد نوازشریف، بینظیر بھٹو کے یہی الفاظ دہرا رہے ہوں گے لیکن یہ الفاظ سننے کیلئے بینظیر بھٹو موجود نہیں ہوں گی یہ تاریخ کی ایسی ستم ظریفی ہے جس میں سیکھنے اور سمجھنے کیلئے بہت کچھ ہے لیکن تاریخ سے ہم نے یہی سیکھا ہے

کہ تاریخ سے کسی نے کچھ نہیں سیکھا جنرل ضیا کی آواز: ۔۔۔۔۔’’مسٹر بھٹو کی حکومت ختم ہو چکی ہے‘‘۔۔۔۔۔ صدر اسحق کی آواز: ۔۔۔’’میں نے آئین کے آرٹیکل 58 دو ب کے تحت قومی اسمبلی توڑ دی ہے‘‘۔۔۔ صدر اسحق کی آواز: ۔۔۔’’نوازشریف حکومت برطرف ہو گئی ہے‘‘۔۔۔ پرویز مشرف کی آواز:۔۔۔’’میں آپ کو بتانا چاہتا ہوں کہ مسلح افواج آخری حل کے طور پر آچکی ہیں‘‘ ایک مالی تھا جو بلاول ہاؤس میں 1988 میں بھرتی ہوا تھا پیپلز پارٹی حکومت کو کرپشن اور بدامنی کے الزامات لگا کر برطرف کیا گیا تھا

 تو اس سلسلے میں بلاول ہاؤس کے کچھ ملازم بھی گرفتار ہوئے جب کرپشن الزامات میں اِن ملازمین سے تفتیش ہو رہی تھی تو ان سے پوچھ گچھ کرنے والا ایک خفیہ ایجنسی کا آفیسر تھا اور یہ آفیسر کوئی اور نہیں ۔۔۔ بلاول ہاؤس کا وہی مالی تھا جو 1988 سے ان کے لان کی دیکھ بھال کر رہا تھا ملازمین کی گرفتاری کے کچھ  عرصے بعد لیکن الیکشن سے کچھ پہلے 11 اکتوبر1990 کو انڑ کیس میں آصف زرداری کو بھی گرفتار کر لیا گیا ان کے قریبی ساتھی حسین انڑ کو وعدہ معاف گواہ بنایا گیا انڑ کیس تاریخ میں بہت مشہور کیس ہے

 اس میں آصف زرداری پر الزام تھا کہ انھوں نے لندن پلٹ ایک شخص مرتضیٰ بخاری کی ٹانگ سے بم باندھ کر تین کروڑ روپے ہتھیا لیے ہیں اس کیس کی گونج تو بہت ہوئی لیکن یہ کیس کہیں ثابت نہ ہو سکا اس کیس میں واحد ثبوت صرف مرتضیٰ بخاری کی اخباری پریس کانفرنس تھی اور اس کا واحد وعدہ معاف گواہ حسین انڑ تھا جو پیپلزپارٹی کے دوسرے دور میں دوران گرفتاری اسپتال میں جان کی بازی ہار گیا یوں یہ قضیہ کبھی حل نہ ہو سکا لیکن یہ الزام آصف زرداری کی شخصیت کے ساتھ چپک کر رہ گیا میں پہلی بار اس شخص کو ملا ، پریس کی موجودگی میں میں اس کو ملا اور اس نے یہ ساری کہانی سنائی، اس نے ہنگامہ کیا، اخباروں میں خبریں چھپ گئیں نیشنل پریس میں ہر جگہ رپورٹ ہوا

 بقول اس کے زرداری صاحب نے اسے کہا کہ تم پچاس لاکھ روپے لواور واپس چلے جائو اس نے کہا، میں ڈھائی کروڑ روپیہ لایا تھا، مجھے پوری رقم چاہیے میں تو نیک کام کے لیے لایا تھا، میں پچاس لاکھ لے کر کیوں چلا جائوں؟ انہوں نے کہا پھر تو بھی واپس نہیں جائے گا، رقم تو ویسے بھی تجھے نہیں ملے گی تو جان بچائو اور بھاگو، وہ پھر آخر بے چارہ جان بچا کر بھاگ گیا یہ تھی کہانی

 بیوروکریٹ صدر غلام اسحاق خان نے چونکہ بینظیر بھٹو کی حکومت کو سنگین الزامات کے تحت برطرف کیا تھا اس لیے وہ یہ بات یقینی بنانا چاہتے تھے کہ پیپلزپارٹی اقتدار میں کسی طرح واپس نہ آنے پائے کیونکہ اگر بینظیر بھٹو دوبارہ منتخب ہو جاتیں تو اس سے تاثر ملتا کہ اسمبلیاں توڑنے کا فیصلہ غلط تھا اور لوگ پیپلزپارٹی کی کارکردگی سے زیادہ تر مطمئن ہیں صدر غلام اسحاق خان نے پیپلزپارٹی کی واپسی روکنے کیلئے کئی اقدامات کیے جن میں سے دو اہم تھے پہلا ۔۔۔ نگران حکومت اس طرح تشکیل دی کہ تمام اہم پوزیشنز پر پیپلزپارٹی کے مخالف اور آئی جے آئی کے حامی عہدیدار براجمان ہو گئے نگران وزیراعظم کی جگہ انھوں نے پیپلزپارٹی کے مقابلے میں الیکشن لڑنے والی آئی جے آئی کے سابق سربراہ غلام مصطفیٰ جتوئی کو تعینات کر دیا یاد رکھیں غلام مصطفیٰ جتوئی ماضی میں بینظیر بھٹو کے مقابلے میں وزارت عظمیٰ کے امیدوار بھی تھے اور اس الیکشن میں بھی وہ نگران کے بعد وزیراعظم بننا چاہتے تھے

 پھر بینظیر کے سندھ میں سب سے بڑے حریف جام صادق کو نگران وزیراعلیٰ سندھ بنا دیا حالانکہ وہ اس وقت صوبائی اسمبلی سے خود بھی الیکشن لڑ رہے تھے اور سندھ کی وزارت اعلیٰ کےبھی امیدوار تھے اور تو اور غلام اسحاق خان نے اپنے داماد عرفان اللہ مروت کو وزیرداخلہ سندھ بھی بنایا اور یوں اپنے تئیں انہوں نے پیپلپزپارٹی کو شکست دینے کے لیے سٹیج تیار کر دیا غلام مصطفیٰ جتوئی نے نگران وزیراعظم بنتے ہی احتساب کا نعرہ لگایا جتوئی نے نگران وزیراعظم بنتے ہی  خصوصی عدالتیں بنا کرپی پی کے عہدیداران، بینظیر اور ان کے شوہرپر کرپشن کے مقدمات قائم کر دیئے ایک طرف یہی نگران حکومت پیپلزپارٹی کے خلاف مقدمے بنا رہی تھی، دوسری طرف یہی لوگ آئی جے آئی کے جلسوں میں اسٹیج پر کھڑے ہوتے اور تقریریں کرتے اور کہتے کہ کسی صورت بینظیر کو اقتدار میں نہیں آنے دیں گے

یہ سب کچھ ہو رہا تھا اور الیکشن کمیشن اس پر کوئی ایکشن نہیں لے رہا تھا صدر غلام اسحاق خان نے دوسرا کام یہ کیا کہ آرمی چیف جنرل اسلم بیگ کو آئی جے آئی کی ہر طرح سے مدد کرنے کا حکم دیا جنرل اسلم بیگ کئی بار اس بات کا کھل کر اعتراف کر چکے ہیں کہ انھوں نے ایسا کیا لیکن وہ وضاحت پیش کرتےہیں کہ ایسا انھوں نے اپنے سپریم کمانڈر صدر غلام اسحاق خان کے کہنے پر کیا کئی سال بعد دوہزار آٹھ میں چیف جسٹس افتخار چوہدری نے اصغر خان کیس کا فیصلہ سنایا جس میں یہ ثابت ہوا کہ آئی جے آئی کے سیاستدانوں کو ملٹری اسٹیبلشمنٹ نے چودہ کروڑ روپے تقسیم کیے تھے ’’جو فیصلہ سپریم کورٹ نے دیا ہے اس میں جو میرا موقف تھا اور جو آئین کے مطابق ہے‘‘ ’’میں نے یہ کہا کہ یہ ایک قانونی حکم تھا ایک قانونی عہدے پر موجود شخص، غلام اسحق خان نے یہ حکم دیا تھا‘‘ ’’جب کوئی قانونی حکم ہو وہ جرم نہیں ہوتا‘‘

 تاریخ کے ریکارڈ کو درست رکھنے کیلئے بتاتے چلیں کہ جب اس مقدمے کا فیصلہ سنایا گیا تو غلام اسحاق خان اس دنیا میں نہیں تھے اس لیے ان کا موقف مقدمے کے بعد سامنے نہیں آ سکا سپریم کورٹ کے فیصلے کے علاوہ ملٹری اسٹیبلشمنٹ کی طرف سے آئی جے آئی کو رقم تقسیم کرنے کے مزید ثبوت بھی موجود ہیں لیفٹیننٹ جنرل عبدالمجید کا ثبوت دیکھئے جنھوں ںے اپنی کتاب میں لکھا کہ انھیں اسٹیبلشمنٹ کی طرف سے چند لاکھ روپے ملے جو انھوں نے فاٹا میں آئی جے آئی کے ایک امید وار کو خود پہنچائے دوسراثبوت خود نوازشریف کی زبان سے نکلا جس کے گواہ سینئر صحافی عارف نظامی ہیں ’’میاں نوازشریف نے عطاالحق قاسمی کے دفتر میں کچھ صحافیوں سے ملاقات کی تھی

‘‘ ’’یہ اس وقت کی بات ہے جب وہ وزیر اعظم نہیں تھے‘‘ ’’اپوزیشن میں تھے اور مہران گیٹ کا کیس چل رہا تھا‘‘ ’’انہوں نے باتوں باتوں میں کہہ دیا کہ مہران گیٹ میں سب کو پیسے ملے تھے اور مجھے بھی ملے تھے‘‘ پاکستان میں چونکہ ضیاالحق کے طویل مارشل لا کے بعد کی پہلی حکومت صرف بیس ماہ بعد برطرف کر دی گئی تھی اس لیے پاکستان سمیت پوری دنیا کو تشویش تھی کہ نجانے انتخابات ہوں گے یا نہیں؟ آرمی ہاؤس سے لے کر وائٹ ہاؤس تک ایسی افواہیں گردش کر رہی تھیں کہ انتخابات ملتوی کرنے اور مارشل لاء لگانے کی پلاننگ ہو رہی ہے انتخابات کے حوالے سے بے یقینی کا اندازہ آپ اس بات سے لگا سکتے ہیں

 کہ بابرہ شریف کو اخبارات میں یہ بیان دینا پڑا کہ اللہ کرے انتخابات وقت پر ہو جائیں تمام اندیشوں کے باوجود انتخابات وقت پر ہوئے اور آئی جے آئی واضح طور پر جیت گئی بینظیر نے ان انتخابات کو دھاندلی زدہ قرار دیا لیکن غیر ملکی مبصرین نے پہلی رپورٹ میں انتخابات کو شفاف قرار دیا تاہم بعد میں اصغرخان کیس سے یہ بات ثابت ہو گئی کہ انیس سو نوے کے انتخابات شفاف نہیں تھے آئی جے آئی کی جیت کے بعد نگران وزیراعظم جتوئی، اب اصلی وزیراعظم بننا چاہتے تھے سابق وزیراعظم جونیجو بھی وزارت اعظمیٰ کے امیدوار تھے لیکن آئی جے آئی کے اجلاس میں نوازشریف کا نام فائنل کر لیا گیا یوں 7 نومبر 1990 کے دن نوازشریف نے وزارت عظمیٰ کا حلف اٹھا لیا اس تقریب میں ایک ہزار سے زیادہ مہمانوں نے شرکت کی لیکن بینظیر بھٹو نے اس اجلاس کا بائیکاٹ کیا نواز شریف پاکستان کے دوسرے وزیراعظم تھے جن کا تعلق پنجاب سے تھا اور یہ پاکستان کے کم عمر ترین مرد وزیراعظم تھے اس وقت ان کی عمر اکتالیس سال تھی

 اور یوں نواز شریف کے والد میاں محمد شریف کا وہ خواب پورا ہوا جو انھوں نے بھٹو دور میں اس وقت دیکھا تھا جب ان کی انڈسٹریز کو سرکاری تحویل میں لے لیا گیا تھا نوازشریف نے حکومت سنبھالی تو کراچی اور حیدرآباد میں لاشیں گر رہی تھیں افغانستان اور انڈیا بارڈر پر جنگ کا ماحول تھا پاکستان کی معیشت اتنی تباہ حال تھی کہ الائیڈ بنک جو اس وقت سرکاری تحویل میں تھا بائیس ارب روپے کے خسارے میں تھا سینمٹ انڈسٹری بھی سرکاری تحویل میں اور کرپشن کی آماجگاہ بن چکی تھی لیکن نواز شریف نے ان سب مسائل سے نمٹنے کے ساتھ دنیا کے ایک ایسے حصہ میں بھی  کام کیا جہاں لاکھوں سال سے برف کی حکومت ہے جی ہاں انٹارکٹکا میں نواز شریف نے ایک ایسا منصوبہ بنایا جو بہت کم پاکستانیوں کے علم میں ہے یہ منصوبہ پاکستان کی اہم کامیابی تھا

 ان گنت زمانوں سے برف میں ڈھکے سمندر کے کنارے پراور دنیا کے آخری کونے میں پاکستان کو کیا اعزاز حاصل ہوا؟ نوازشریف نے اربوں روپے کی خسارے  میں ڈوبی معیشت سے کیسے مقابلہ کیا؟ یہ سب آپ کو اگلی قسط میں دکھائیں گے یہ سب آپ کو اگلی قسط میں دکھائیں گے

Click here to watch Next Episode