ویرات کوہلی نے وائٹ بال کرکٹ میں ٹنڈولکر کا سب سے زیادہ رنز کا ورلڈ ریکارڈ توڑ دیا

ممبئی(جانوڈاٹ پی کے)بھارت کے اسٹار بیٹر ویرات کوہلی نے سابق بھارتی لیجنڈری کرکٹر سچن ٹنڈولکر کا انٹرنیشنل وائٹ بال  کرکٹ میں سب سے زیادہ رنز بنانے کا ورلڈ ریکارڈ توڑ دیا۔

ویرات کوہلی نے ہفتے کو آسٹریلیا کے خلاف سڈنی کرکٹ گراؤنڈ میں تیسرے اور سیریز  کے آخری ون ڈے میچ کے دوران  74 رنز کی میچ وننگ اننگز کھیل کر  تاریخی سنگِ میل عبور کیا۔

ویرات کوہلی  انٹرنیشنل وائٹ بال کرکٹ(ون ڈے +ٹی ٹوئنٹی) میں سب سے زیادہ رنز بنانے والے کرکٹر بن گئے ہیں۔

کوہلی نے  305 ون ڈے انٹرنیشنل میں  14 ہزار 255 اور ٹی ٹوئنٹی انٹرنیشنل میں 125 میچز میں 4188 رنز بنائے ہیں۔

یہ کوہلی کے انٹرنیشنل وائٹ بال کرکٹ میں مجموعی طور پر 18 ہزار 443 رنز بنتے ہیں۔جو کہ دنیا میں کسی بھی بیٹر کی جانب سے سب سے زیادہ رنز ہیں۔

اس سے قبل انٹرنیشنل وائٹ بال کرکٹ میں سب سے زیادہ رنز کا  ریکارڈ بھارت کے سابق کپتان سچن ٹنڈولکر کے پاس تھا، جنہوں نے ون ڈے انٹرنیشنل میں 18 ہزار 426 اور واحد ٹی ٹوئنٹی انٹرنیشنل میں 10 رنز بنائے۔سچن ٹنڈولکر کے انٹرنیشنل وائٹ بال کرکٹ میں   مجموعی طور پر 18 ہزار 436 رنز بنتے ہیں۔