پشاور میں فائرنگ سے بی آر ٹی کا سیکیورٹی گارڈ جاں بحق

پشاور(جانوڈاٹ پی کے) پشاور میں نامعلوم افراد کی فائرنگ سے بس ریپڈ ٹرانسپورٹ (بی آر ٹی) کا سیکیورٹی گارڈ جاں بحق ہوگیا۔

نجی ٹی وی چینل کے مطابق پولیس کاکہنا ہے کہ یہ واقعہ پشاور کے علاقے چمکنی میں پیش آیا، سیکیورٹی گارڈ محمد عاصم اپنی ڈیوٹی ختم کرکے گھر جا رہا تھا کہ نامعلوم ملزمان نے اس پر فائرنگ کردی جس سے وہ موقع پر ہی جاں بحق ہوگیا۔

پولیس کا کہنا ہے کہ مقتول محمد عاصم بی آر ٹی کا سیکیورٹی گارڈ تھا اور اس کی 16 نومبر کو شادی طے تھی۔