پی سی بی نے ڈومیسٹک کرکٹ کنٹریکٹس کا اعلان کر دیا

لاہور(سپورٹس ڈیسک)پاکستان کرکٹ بورڈ (پی سی بی) نے سیزن 2025-26 کے لیے ڈومیسٹک کرکٹ کنٹریکٹس کا اعلان کر دیا ہے۔ اس سال مجموعی طور پر 157 ڈومیسٹک کرکٹرز کو کنٹریکٹس دیے گئے ہیں۔نئے کنٹریکٹس کی مدت اگست 2025 سے جولائی 2026 تک ہوگی۔ پی سی بی نے رواں سیزن میں کھلاڑیوں کی تعداد کو 131 سے بڑھا کر 157 کر دیا ہے تاکہ زیادہ باصلاحیت کھلاڑیوں کو موقع فراہم کیا جا سکے۔اس مرتبہ ڈومیسٹک کنٹریکٹس میں تین کے بجائے چار کیٹیگریز رکھی گئی ہیں۔کیٹیگری ایک میں 30 کھلاڑی،کیٹیگری دو میں 55 کھلاڑی، کیٹیگری تین میں 51 کھلاڑی جبکہ کیٹیگری چار میں 21 کھلاڑی شامل ہیں۔پی سی بی کے مطابق یہ کنٹریکٹس گزشتہ سیزن میں کھلاڑیوں کی کارکردگی کی بنیاد پر تیار کیے گئے ہیں۔