جنوبی افریقا نے پہلے ٹی ٹوئنٹی میں پاکستان کو 55 رنز سے شکست دیدی

راولپنڈی(جانوڈاٹ پی کے)جنوبی افریقا نے 3 میچز پر مشتمل ٹی ٹوئنٹی سیریز کے پہلے میچ میں پاکستان کو  55 رنز سے شکست دے کر سیریز میں 0-1 کی برتری حاصل کرلی۔

جنوبی افریقا کے 195 رنز کے ہدف کے جواب میں پاکستان کی پوری ٹیم  19 ویں اوور میں 139 پرآؤٹ ہوگئی۔

 راولپنڈی میں کھیلے گیے میچ میں پاکستان نے ٹاس جیت کر جنوبی افریقا کو پہلے بیٹنگ کی دعوت  دی۔

پہلے ٹی ٹوئنٹی کیلئے پاکستان ٹیم میں صائم ایوب ، صاحبزادہ فرحان ،  بابر اعظم ، کپتان سلمان علی آغا شامل تھے۔

اس کے علاوہ حسن نواز،  عثمان خان، محمد نواز، فہیم اشرف، شاہین آفریدی، نسیم شاہ اور  ابراراحمد  بھی فائنل الیون کا حصہ  تھے۔

جنوبی افریقا نے 20 اوورز میں 9 وکٹوں پر 194 رنز بنائے۔  ریزا ہینڈرکس 60 ، جارج لینڈے 36 اور ڈی زور زی 33 رنز کے ساتھ نمایاں رہے۔

پاکستان کی جانب سے محمد نواز نے 3 ،صائم ایوب نے 2  وکٹیں حاصل کیں جبکہ شاہین آفریدی،  ابرار احمد اور نسیم شاہ نے ایک ایک وکٹ لی۔

آج کے میچ کیلئے  جنوبی افریقا کی ٹیم ڈونوان فریرا (کپتان)، کوئنٹن ڈی کوک،  ریزا ہینڈرکس، ٹونی ڈی زورزی،  ڈیوالڈ بریوس، میتھیو بریزکے، جارج لینڈسے، کارٹن بوش، لزاڈ ولیمز، ناندرے برگر اور لنگی نگیڈی پر مشتمل ہے۔

واضح رہے کہ  چھاتی کے سرطان سے آگاہی مہم کیلئے  پاکستانی ٹیم نے پہلے ٹی ٹوئنٹی انٹرنیشنل میچ میں گلابی رنگ والی خصوصی کٹ پہنی ہے جبکہ جنوبی افریقی ٹیم اور میچ آفیشلز گلابی ربن پہن کر میدان میں اترے ہیں۔