انسٹا گرام میں ریلز ویڈیوز کیلئے ایک نیا فیچر متعارف

لندن(جانوڈاٹ پی کے)انسٹا گرام نے ریلز ویڈیوز کے لیے ایک نیا فیچر صارفین کے لیے متعارف کرایا ہے۔اس فیچر کا مقصد صارفین کے لیے ان ویڈیوز کی تلاش آسان بنانا ہے جو وہ پہلے دیکھ چکے ہوں گے۔

انسٹا گرام کے سربراہ ایڈم موسیری نے واچ ہسٹری نامی فیچر کو متعارف کرانے کا اعلان کیا۔

یہ فیچر انسٹا گرام ریلز ویڈیوز کی ہسٹری جاننے میں مدد فراہم کرے گا۔

انہوں نے بتایا کہ توقع ہے کہ اب آپ ان ویڈیوز کو تلاش کرسکیں گے جو اس سے قبل ڈھونڈنے میں ناکام رہے تھے۔

یہ فیچر ریلز ویڈیوز دیکھنے کے شوقین افراد کے لیے مددگار ثابت ہوگا۔

خاص طور پر اس وقت اگر وہ کسی دلچسپ ویڈیو کو دیکھ رہے ہیں مگر حادثاتی اسکرولنگ یا ایپ ریفریش ہونے کی وجہ سے اسے دیکھنے سے محروم ہو جاتے ہیں۔

اس فیچر کو استعمال کرنا بھی آسان ہے۔

انسٹا گرام ایپ میں سیٹنگز، پھر یور ایکٹیویٹی اور پھر واچ ہسٹری پر کلک کرکے اس تک رسائی ممکن ہے۔

اس فیچر میں سب سے اوپر وہ ویڈیوز موجود ہوں گی جو حال ہی میں دیکھی ہوں گی اور نیچے پرانی ویڈیوز کو دیکھنا ممکن ہوگا۔

آپ کسی مخصوص تاریخ پر جاکر بھی اس دن کے مواد کو دیکھ سکتے ہیں۔