برطانیہ‘ غیر قانونی تارکین وطن کیخلاف کارروائیاں‘ 8 ہزار سے زائد گرفتار

لندن(جانوڈاٹ پی کے) برطانیہ میں غیر قانونی تارکین وطن کے خلاف بڑے پیمانے پر کریک ڈاؤن کا سلسلہ جاری ہے۔عالمی میڈیا کی رپورٹ کے مطابق برطانیہ میں اعلیٰ حکام کی جانب سے غیر قانونی تارکین وطن کے خلاف بڑے پیمانے پرکریک ڈاؤن کا سلسلہ جاری ہے۔ جس میں کارروائی کے دوران 8 ہزار سے زائد غیر قانونی تارکین وطن کو حراست میں لے لیا گیا ہے جبکہ 1 ہزار سے زائد غیر قانونی مقیم شہریوں کو ملک بدر کردیا گیا ہے۔ حکام کا کہنا ہے کہ شمالی آئرلینڈ میں غیر قانونی طور پر کام کرنے والے 200 سے زائد افراد کو گرفتار کیا جا چکا ہے۔ برطانوی وزیر داخلہ شبانہ محمود نے ایک بیان میں کہا ہے کہ ملکی سرحدوں کی حفاظت کے لیے ہر ممکن اقدامات کرنے کی کوشش کریں گے۔ یہ بات بھی علم میں رہے کہ گزشتہ دنوں لندن میں افغان تارک وطن نے چاقو سے حملہ کر کے ایک شخص کو ہلاک اور 2 کو زخمی کردیا تھا۔