وفاقی وزیرداخلہ کی ایس پی عدیل اکبر کی رہائشگاہ آمد،اہل خانہ سے اظہار تعزیت

لاہور(جانوڈاٹ پی کے)وفاقی وزیرداخلہ محسن نقوی اسلام آباد پولیس کے وفات پانے والے ایس پی عدیل اکبر کی رہائش گاہ کامونکی پہنچے۔ جہاں انہوں نے ایس پی عدیل اکبر کے والد، بھائی اور دیگر اہل خانہ سے ملاقات کی۔ سوگوار خاندان سے دکھ اور افسوس کا اظہار کیا۔

محسن نقوی نے اپنے بیان میں کہا کہ ایس پی عدیل اکبر اسلام آباد پولیس کا اثاثہ تھے۔ ایس پی عدیل اکبر انتہائی قابل اور فرض شناس آفیسر تھے۔ ایس پی عدیل اکبر کی ناگہانی موت سے دلی صدمہ ہوا۔ دکھ کی گھڑی میں آپ کے ساتھ  کھڑے ہیں اور ہمیشہ ساتھ کھڑے رہیں گے۔

اسلام آباد پولیس کے ڈی آئی جی عتیق طاہر، ڈی آئی جی جواد طارق اور ڈی آئی جی ہارون جوئیہ بھی اس موقع پر موجود تھے۔