شوگرملز کی ویڈیو اینالیٹکس، سیمنٹ بیگز کی الیکٹرانک مانیٹرنگ کا حکم،کرشنگ سیزن سے پہلے آلات نصب کرنے کی ہدایت

اسلام آباد(جانوڈاٹ پی کے)فیڈرل بورڈ آف ریونیو (ایف بی آر) نے شوگرملز کی ویڈیو اینالیٹکس سیمنٹ بیگز کی الیکٹرانک مانیٹرنگ کا حکم دیدیا۔

عالمی مالیاتی فنڈ کی ایک اورشرط پوری کرنے میں اہم پیشرفت ہوئی ہے۔ ایف بی آر نے شوگرملز کی ویڈیو اینالیٹکس کے ذریعے مانیٹرنگ لازمی قرار دیدی۔ نوٹیفکیشن کے مطابق شوگرملز مینوفیکچررز بغیر مانیٹرنگ پیداوار نہیں نکال سکیں گے۔

شوگر ملز کے لیے جدید جی پی یو سسٹم کی تنصیب لازمی قرار دیدی گئی۔ شوگر ملز کو کرشنگ سیزن سے پہلے مانیٹرنگ آلات نصب کرنے کی ہدایت کردی گئی۔ مانیٹرنگ آلات میں ویڈیو اینالیٹکس سسٹم کے ساتھ انضمام یقینی بنایا جائے۔

ایف بی آر کا پیداوار کی نگرانی کے لیے ویڈیو اینالیٹکس سسٹم نافذ کرنےکا فیصلہ کرلیا۔ شوگر ملز کی پیداوار کی ویڈیو اینالیٹکس سے ٹریکنگ کی جائے گی۔ ایف بی آر نے شوگر سیکٹر میں جدید ڈیجیٹل مانیٹرنگ کا آغاز کر دیا۔ حکام کے مطابق چینی کی پیداوار اب ویڈیو اینالیٹکس کے ذریعے مانیٹر ہوگی۔

ایف بی آر  نے سیمنٹ بیگز کی الیکٹرانک مانیٹرنگ کا بھی حکم جاری کردیا۔ یکم نومبر سے بغیر ٹیکس اسٹیمپ سیمنٹ بیگز کی ترسیل ممنوع قرار دیدیا۔ سیمنٹ شعبے میں ٹریک اینڈ ٹریس نظام نافذ ہوگیا۔ تمام بیگز پر یونیک آئی ڈی مارکنگ لازمی ہے۔