یوٹیوب میں غیر معیاری ویڈیوز کو فوری طور پر بہتر بنانے میں مددگار نئے فیچر کا اضافہ

واشنگٹن(جانوڈاٹ پی کے)یوٹیوب میں ایک نئے آرٹی فیشل انٹیلی جنس (اے آئی) فیچر کا اضافہ کیا گیا ہے جس کا مقصد غیر معیاری ویڈیوز کو بہتر بنانا ہے۔

سپر ریزولوشن نامی فیچر خودکار طور پر غیر معیاری ویڈیوز کا معیار بہتر بناتا ہے۔یہ فیچر اے آئی ٹیکنالوجی کو استعمال کرکے پرانی ویڈیوز یا کم ریزولوشن والی ویڈیوز کو بہتر بناتا ہے۔اس سے صارفین کو مواد کو مواد دوبارہ اپ لوڈ کرنے کی ضرورت محسوس نہیں ہوگی۔

درحقیقت یہ یوٹیوب کے جدید ترین اے آئی ٹولز میں سے ایک ہے جس کا مقصد ویڈیو کو زیادہ شفاف بنانا اور انہیں دیکھنے کا تجربہ بہتر بنانا ہے۔ایک رپورٹ کے مطابق یہ فیچر 1080p سے کم ریزولوشن والی ویڈیوز کو 4K جیسی بہتر بنا سکتا ہے۔مگرفی الحال 4K ریزولوشن کی بجائے ایچ ڈی سپورٹ فراہم کی جا رہی ہے۔

یہ فیچر صارف کو خود ان ایبل کرنا ہوگا تاکہ انہیں اپنے مواد پر مکمل کنٹرول مل سکے۔یوٹیوب کی جانب سے جاری بیان میں بتایا گیا کہ ہم 1080p سے کم ریزولوشن والی ویڈیوز کو بہتر بنانے کا آغاز کر رہے ہیں اور انہیں ایچ ڈی میں منتقل کیا جاسکتا ہے۔

بیان کے مطابق مستقبل قریب میں 4K سپورٹ بھی دستیاب ہوگی اور صارفین کو اپنی لائبریری پر مکمل کنٹرول حاصل ہوگا۔

جن ویڈیوز کو بہتر بنایا جائے گا وہ سپر ریزولوشن کے لیبل کے ساتھ سیٹنگز مینیو میں نظر آئیں گی۔